Hoe om te speel
Die Afrikaanse musiek-tydlyn
Tydlyn
Treffers
Hoe om te speel
Voor julle begin
Wat jy nodig het
- Die 100 Tydlyn Treffers-kaarte
- 2 of meer spelers
- 'n Slimfoon met 'n kamera — om die QR-kodes te skandeer
- Die Spotify-app op daardie foon Vereis
- Internet of data
- 'n Luidspreker — opsioneel, maar dit maak die aand baie lekkerder
Net een foon is nodig. Kies een persoon as die “DJ” — hulle skandeer elke kaart en almal luister saam. Niemand anders hoef die app te hê nie.
Spotify Premium — sterk aanbeveel
Met Premium speel elke liedjie dadelik en ononderbroke.
Op die gratis weergawe speel die liedjies ook, maar julle hoor advertensies tussen beurte deur en dit onderbreek die vloei van die spel.
Tydlyn Treffers is nie met Spotify geaffilieer nie.
Opstel
Besluit of julle individueel of in spanne speel.
Elke speler of span trek twee kaarte en sit dit voor hulle neer met Kant B (die jaar) bo — oudste jaar links, nuutste jaar regs. Dís die begin van julle tydlyn.
Skommel die res en pak die stapel met Kant A (die QR-kode) bo.
Jou beurt — drie dinge
Skandeer
Die DJ trek die boonste kaart en skandeer die QR-kode op Kant A vir die eerste span om te begin. Die jaar is aan die onderkant en nie sigbaar nie.
Plaas
Luister. Praat, sing, raai saam. Sit dan die kaart in julle tydlyn — links van, tussen, of regs van die kaarte wat julle reeds het, sodat die jare van oudste tot nuutste loop.
Jy hoef nie 'n jaar hardop te sê nie. Waar jy die kaart neersit, ís jou antwoord.
Onthou: dit gaan oor die oorspronklike jaar van die liedjie, nie die jaar van hierdie opname nie.
Draai om
Draai die kaart om na Kant B en kyk. Reg geplaas? Dit bly in julle tydlyn. Verkeerd? Gooi dit in die middel van die tafel — daardie een is verby.
Dan is die volgende speler of span aan die beurt.
Wen
Die eerste speler of span met 10 kaarte reg in hulle tydlyn, wen. Julle begin met twee — dus nog agt om reg te plaas.
Die oorspronklike jaar tel. Party liedjies is later weer opgeneem — 'n kunstenaar sing dalk in 1999 'n liedjie wat eintlik uit 1955 kom. Die jaar op Kant B is altyd die oorspronklike jaar. Dís juis wat die spel interessant maak.
Dieselfde jaar as 'n kaart wat reeds daar is? Sit dit net voor óf net na daardie kaart — altwee tel reg.
Wil julle dit moeiliker maak?
Speel eers 'n paar rondtes soos hierbo. Wanneer almal die spel onder die knie het, probeer een van dié.
Strategiese weergawe
Elke span kry 5 bottelproppe of munte om mee te speel.
Verdien: Noem die liedjie én die kunstenaar reg → verdien 1 prop, selfs as jy die kaart verkeerd plaas. Maksimum 5 elk.
Op 'n teëstander se beurt: Dink jy hulle's verkeerd? Roep TREFFER! en sit 1 prop op jou eie tydlyn — reg geraai, steel jy die kaart.
Moeilikheidsgrade
Gewoon
Plaas net die kaart reg.
Pro
Noem ook die kunstenaar én die titel om die kaart te hou of te steel.
Kenner
Kunstenaar, titel én die presiese jaar.
Die belangrikste reël
Tydlyn Treffers gaan nie net oor wen nie — dit gaan oor die musiek. Dans en sing saam terwyl die liedjie speel, en hou aan gesels terwyl die span nog dink.
Waar was jy in daardie jaar? Wat het jy gedoen?
Dís waar die beste stories en die lekkerste oomblikke lê.